Also iich find, miä dädn uns om bessdn eichna füä denn frängischn Tatort. Also "Daadodd" dääd dess donn haasn. Miä könnädn massenweis die Leud ermordn lossn.

Do gäb's die schönsdn Daad odde middn in dä Schdodd und zägoä aufn Lond. In Seehoof beischbielsweis könnd aanä im Weihä erdrängd wärn, im Ebracher Gfängnis widdä moll anä obhaua, im Glosdä bei Windischleddn sich aanä in a Schwessdä fäguggd homm - midd fadalaa Folgn.

Genauso vill Möglichkeidn dunn sich in Bambärch auf. Ich deng do onn Doom und die Duurissdn. Oddä die Unni. Amm Brofässä könnäd a Schdudend woss odoo wecha schlechda Noodn. Donn hommä denn Fluuch bladz. Do könnd aanä den Fliie chä vo seim Kongurrendn obschdüäzn lossn. Die Altenburch eichned sich füä verschiedna Dramen, äschd rechd des Deadä, oddä dä Schbord midd di Basgeddballää.

Mä sichd: Ohne Brobleme faallädn allaa miä unzälicha Mords Gelechnheidn ei. Donn solläd dess doch die Grimi-Broofi aa übäzeugn fo Bambärch als bessdn frängischn Daadodd.