Mei Dande woä neulich in ann grooßn Grangnhaus. Nedd bei uns in dä Region. Dess iss soo grooß, doss die mid ihra eigena Ärzd alla ned auskumma und an haufn vo olla möchlichn Ländä däzu braugn. Mediznisch möögn di nedd schlechd sei, obbä mid dä Schbrooch iss dess a Brobleem, hodd mei Dande gsocht. Biss sie do ägleerd hodd, woss ra feehld...

Obbä ess schlimmsda füä siie woä dä Noma vo demm aanaa: Dess hoddmä ausgschbrochn wie Dood. Wenn do dä Dogdä Dood zä diä kummd, no maansd, dei lezdess Schdündla hodd gschloogn. Ob dess so guud iss füä die Baziendn?