Noch dem Film "Bamberger Reiter" hodd a Fraa ongerufn und sich gscheid beschwerd. Wie mä nä so woss zeign könnd, hodd sie gemaand. Dess weä doch unmöchlich. Dess woä wi die Foddsedzung fomm Film "Die Entdeckung der Langsamkeit". Gschimbfd hodd sie, die Fraa und gemaand, "die fäkaafn uns doch füä blööd". Deä aa, und do hodd si an Gomissaa gemaand, deä weä bold eigschloofn. "Bei uns do schloofn die Bolizisdn bevoä sie auf die Ärbäd geen und nedd auf dä Schdreifn", hodd sie gschänd. Und nuchwoss: Voä laudä Schbannung do weä sie bold nuch selbä eigschloofn. Edz hodd sie Ongsd, doss miä wechä den Grimmi noch ogschbrochn wänn fo die fremdn Loid.

Ich glaab fossd, deä Film hodd iä wirglich nedd gfolln. Nä ja, ich hobb na haubdsächlich wechä die Gäul ogschaud - weil ich do a boä kenn...