A gonz eichäna Übäschwemmungs-Gschichd hodd's in Mürschboch geem... So wi dodd dess Wassä in Massn kumma iss, iss di glaa Lola fomm Pfeedä-Hoof fäschwundn.

Dess Hündla woä fodd und olla homm scho ess Schlimmsda oogänumma. Nochäd hodd aanä dess Diiäla gsichded, übä dä Schdross. Olla wooän frooh doss di Lola nuch gälbeebd hodd, obbä di muss so woss äleebd homm, doss si föllich durchgedreed woä.

Wenn sich aanä gänähäd hodd, iss si banisch fodd gärennd. Zägoä a gonza Drubbn hodd sich aufgämochd und di Lola eewich gsuchd, und aa dä Jächä hodd midgholfn. Obbä di Lola hodd's wi im Film gämochd - di iss bloos gärennd, fodd-gärennd. Olla woän durchn Wind. Jeedä hodd nuch a moll selbä gsuchd, iss selbä gärennd.

Äfollg hodd noch aanä Wochn donn di Nadja ghobbd, weil di Lola woäscheinds nimmä renna wolld und sich endlich midd an Hechdschbrung hodd fonga lossn. Brudä woän miä olla froo übä denn Häbbi End und hoffn, doss di Lola edz nimmä rennd, zämindesd nedd fodd fomm Hoof...