Woss ich nuch souch wollt, ...
... zwanzich Joah iss hää, dess dä Drabbadooni sein Ärche nümme nundeschlugg konnt unn sei unschdärblicha Wuutrejd khaldn hodd. Um Ärche gedds deswejche aa bein heudichn, sechshunnedsdn "Schosch". Überoll auf därre Wält gibbs Ärche: Dä Buddien lessd auf Ziwilistn bombm unn seina Kallfaggde vegiffdn ejemoalicha Schbione, dä ammägaanisch Drambl brengt midd seina Woahnsinnsidejn nuch di ganz Wält dorchananne unn sälle Erdoggan will oanscheins aa suwoss wie a 1000-jährigs Reich äricht. Unn be unes? Dou müss gekläät wää, oab dä Ärche ve aane Emanzn berechticht iss, die wuu sich alds "Kunde" auf ann Schpoahkassaformulaa nije oogschbrochn fühln dudd. "Du felix Germania" - O du glückliches Deutschland!
- Ganz gruoßn Ärche hodds scheins zwischn Feuewääh unn Schtoadt Kroonich gejm, wall di Zeidunga gruoßa Addiggl dezuu gebroachd hoamm. Nex Genaus wass me ümme nonnich, oabe me khoo ja zwischn di Zeiln lejs. Doudenouch hodd dä Vewaldungsausschuss - woarüm aa ümme - in Sachn Lähgoangsbesüchn a Schreims oo di Kummendandn gschiggt, woss vesejendlich inn aane Fremdschprouch gschriem woah, die wuu sälla nije behärrschn. Dou kummd nadüelich Ärche auf. In aane Kriesnsitzung hoammsa etz en Brief auf Deudsch übesetzt, middaamoll iss alles in Oddnung unn aa
es "Panzer-Problem" khoo veleichd nuch gelöjst wää; wuus oabe nije üm neua Banze füe di Dörgei genna dudd, ije wisst scho!
- Di ve di Rejwe gewünschda Velejchung hodd ve alln wejche di Oobindung inn Rubbm Ärche gebroacht. Midd aamoll gibbs a Löjsung, in di Industdrieschdrouß - velleichd aweng zemm Ärche venn Aldi. Wemme oabe lejsn dudd, woss di Schtoadt alles füe sa dudd, unn di Ferma sochd huochnejsich, desses "wohlwollend prüfen" wölln, kummd bei miech scho aa aweng Ärche huoch - mije wissn doach alla, dess di Disskaunde aa Gschäftla nouchn annen in Kroonich hiegemachd hoamm ...
- Siche hoabde euch aa scho geärchet, wenn de auf di 173 hinde ann Mautflüchte-Äll-Ka-Wee häägezoggld seid. Etz wölln sa in Kübbs a Maudschdell eirecht. Bloußne dodda? Woss maande denn, wie schnäll di Foahra dess rausgricht hoamm unn Kübbs umfoahn?
Aldso iich ärche mich nümme, unn wenn ich fregg ve Grimma! Ich hou etz fäddich - fei nex fe unguud, biss nächsdn Samsdouch, eue Schosch!
... zwanzich Joah iss hää, dess dä Drabbadooni sein Ärche nümme nundeschlugg konnt unn sei unschdärblicha Wuutrejd khaldn hodd. Um Ärche gedds deswejche aa bein heudichn, sechshunnedsdn "Schosch". Überoll auf därre Wält gibbs Ärche: Dä Buddien lessd auf Ziwilistn bombm unn seina Kallfaggde vegiffdn ejemoalicha Schbione, dä ammägaanisch Drambl brengt midd seina Woahnsinnsidejn nuch di ganz Wält dorchananne unn sälle Erdoggan will oanscheins aa suwoss wie a 1000-jährigs Reich äricht. Unn be unes? Dou müss gekläät wää, oab dä Ärche ve aane Emanzn berechticht iss, die wuu sich alds "Kunde" auf ann Schpoahkassaformulaa nije oogschbrochn fühln dudd. "Du felix Germania" - O du glückliches Deutschland!
- Ganz gruoßn Ärche hodds scheins zwischn Feuewääh unn Schtoadt Kroonich gejm, wall di Zeidunga gruoßa Addiggl dezuu gebroachd hoamm. Nex Genaus wass me ümme nonnich, oabe me khoo ja zwischn di Zeiln lejs. Doudenouch hodd dä Vewaldungsausschuss - woarüm aa ümme - in Sachn Lähgoangsbesüchn a Schreims oo di Kummendandn gschiggt, woss vesejendlich inn aane Fremdschprouch gschriem woah, die wuu sälla nije behärrschn. Dou kummd nadüelich Ärche auf. In aane Kriesnsitzung hoammsa etz en Brief auf Deudsch übesetzt, middaamoll iss alles in Oddnung unn aa
es "Panzer-Problem" khoo veleichd nuch gelöjst wää; wuus oabe nije üm neua Banze füe di Dörgei genna dudd, ije wisst scho!
- Di ve di Rejwe gewünschda Velejchung hodd ve alln wejche di Oobindung inn Rubbm Ärche gebroacht. Midd aamoll gibbs a Löjsung, in di Industdrieschdrouß - velleichd aweng zemm Ärche venn Aldi. Wemme oabe lejsn dudd, woss di Schtoadt alles füe sa dudd, unn di Ferma sochd huochnejsich, desses "wohlwollend prüfen" wölln, kummd bei miech scho aa aweng Ärche huoch - mije wissn doach alla, dess di Disskaunde aa Gschäftla nouchn annen in Kroonich hiegemachd hoamm ...
- Siche hoabde euch aa scho geärchet, wenn de auf di 173 hinde ann Mautflüchte-Äll-Ka-Wee häägezoggld seid. Etz wölln sa in Kübbs a Maudschdell eirecht. Bloußne dodda? Woss maande denn, wie schnäll di Foahra dess rausgricht hoamm unn Kübbs umfoahn?
Aldso iich ärche mich nümme, unn wenn ich fregg ve Grimma! Ich hou etz fäddich - fei nex fe unguud, biss nächsdn Samsdouch, eue Schosch!